第九集
張小軒：友情，

沈薇：愛情，

張小軒：親情，

合：其實都好重要。

沈薇：少咗任何一樣，

張小軒：都會係一種遺憾！

（音樂：《無能為力》）

沈薇：原來，你就係禮服蒙面俠！你就係我喺化妝舞會遇到果個男仔！我終於遇返你啦！

旁白：講完，沈薇好激動咁飛撲埋肖顯志度，緊緊咁攬住佢……呢個動作，嚇到在場嘅人都呆曬，特別係條頸鏈原來個主人——張小軒！

肖顯志旁白：原來係咁樣一回事，我宜家明白啦！

張小倩：條頸咪係……

肖顯志：對唔住啊，我宜家至同你相認。

張小倩：哥啊，你出句聲啦！

旁白：張小倩肉緊咁不停地扯張小軒件衫。佢好想即刻大聲哎條頸鏈係佢哥哥嘎，但可惜自己曾經答應過張小軒唔可以對任何人講呢件事，無論點，未經張小軒同意，佢都係唔敢講出口，但見到呢個情景，張小倩都古到八九成條頸鏈對於張小軒同沈薇嘅意義有幾大。但身邊嘅張小軒卻一咪聲都唔出咁望住肖顯志，肖顯志亦都一邊用各種理由解釋唔同沈薇相認嘅原因，一邊用一D似笑非笑，又懶無辜嘅眼神望住張小軒。過咗一陣，張小軒黯然咁DUT低頭離開咗肖顯志嘅屋企，張小倩亦都即刻跟住後面，驚死連佢阿哥都情緒失控咁。

張小倩：哥啊，你講下嘢啦，咪嚇我啊！

張小軒：你想我講乜嘢啊？

張小倩：咁你宜家可以同我講清楚關於條頸鏈嘅故事啦呱……如果唔係，我即刻走去同Mei Mei講清楚嘎。

張小軒：你知道又點呀，可似做D乜嘢呀？你唔怕Gary失去埋Mei Mei，再次情緒失控咩？

張小倩：我怕！雖然我對Gary仲存有好多幻想，不過同以前果種感覺唔同咗嘎啦！我對佢嘅果種，只係仰慕，只要佢繼續好似以前咁，咁錫我、愛護我，我已經好開心嘎啦，我好清楚呢D並唔係愛情！

張小軒：你識咁諗就最好了。

張小倩：但點講都好，Gary都唔應該用呢種手段來爭取愛情嘎！

張小軒：不管用乜嘢方法，都要留住對方喺自己身邊。我諗呢種，係Gary愛Mei Mei嘅一種方式。

張小倩：咁你愛Mei Mei嘅又係邊種方式啊？

張小軒：我都唔知……

（張小軒手機響）

張小軒：Hello！我係。老師？哦，好呀，我宜家返來。

張小倩：做乜啊，你趕住返學校啊？

張小軒：係啊，合唱團個指導老師話有事想同我商量下喔，我哋打車返去。

張小軒旁白：Mei Mei，到底我愛嘅係邊一種方式呢？

（過場音樂：《明了》）

張小倩：哥！你唔係應承咗呀嘛？

張小軒：係啊，我一直都想出國玩下嘅，今次有咁好嘅機會，我當然唔可以錯過啦。

張小倩：你係咪失戀失到傻咗啊？呢段時間你對Mei Mei同Gary嘅事完全唔過問，但係你果副可以拿去賣牙膏廣告嘅雪白牙齒又露都唔露下。你唔開心就講出來啦，你唔鬱住喺個心度啊，我驚你會出事啊！

張小軒：放心喔，你哥好硬正，仲撐得住！

張小倩：但你真係好耐無笑過啦！

張小軒：我同你保證，今次去完Parise，我一定會好似以前咁返來，好無？

張小倩：我覺得Mei Mei仲對你有感覺嘎！你可能無發覺喳，我成日見到佢用D好無助同內疚嘅眼神望住你嘎，個表情不知幾痛苦！

張小軒：就因為知佢痛苦，至想佢忘記呢D唔開心嘢。唔講果D住啦，嗱，呢只MD送給你嘎。

張小倩：做乜無端端送只MD碟給我啊？“To 我的寶貝：張小倩”？

張小軒：入面錄咗只我為你寫嘅哥。一直以來阿哥成日同你吵架，次次都唔讓你，無做好一個做哥哥嘅責任，有D嘢對住D親人係最唔敢，亦都最唔好意思表達出來，我將佢用另一種我可以表達出來嘅語言話給你知，其實對於我來講，你一直，永遠都係我最重要、最寶貝嘅妹妹，就算我以前遇到再愛嘅人，你喺我心目中嘅地位永遠都唔會變！

張小倩：哥……嗚……對唔住！我知道小倩好任性，成日都要你操心，我以後會做一個聽聽話話嘅好妹妹嘎啦！

張小軒：哎喲，唔好哭啦，哭到個面花曬就唔靚嘎啦。你幫我Check下，睇有無乜嘢漏咗撿嘅？我宜家要去揾一個對我好重要嘅人！

（過場音樂：《我的寶貝》）

叮咚……

肖顯志：又係你啊？

張小軒：放心啦，今次我真係講幾句就走，唔使入去嘎啦。今次我係專程同你講聲，我會坐明日嘅飛機去巴黎讀書。

肖顯志：去巴黎？點解走得咁急嘅？之前完全無聽老師講過嘎。

張小軒：係合唱團個指導老師幫我安排嘅，佢想我同果邊一間學校嘅學生做交換生，學習果邊嘅課程之餘，順便了解下國外合唱團嘅訓練方式。

肖顯志：原來係咁，唔怪得啦！

張小軒：所以我專程來同你呢個好朋友辭行，同埋送一D小小嘅禮物給你。

肖顯志：MD帶？“To 我永遠好朋友：肖顯志”？

張小軒：我知道伯母嘅死對你嘅生活起咗好大嘅變化，希望裏面果首我為你寫嘅歌可以令你喺換一種心情去面對呢件事。最後我仲有一個小小嘅請求。

肖顯志：係咪關於Mei Mei啊？

張小軒：嗯。我知你比我更需要佢，所以我願意成全你哋。不過，請你答應我，一定要令佢幸福、快樂！

肖顯志：呢層一定會！

張小軒：OK，我走啦！再見！

旁白：講無，張小軒瀟灑咁拎轉身，一邊行一邊哼出MD裏面果首為肖顯志寫嘅歌。

張小軒：“你松開了雙手，帶走你的溫柔，連說聲再見的時間也都沒有，只希望你能快樂，永遠無憂，一切的幸福都在你左右。你松開了雙手，帶走你的溫柔，我們還會相親相愛到永久，遇到風雨的時候，緊握彼此的手，你的愛已足夠成為我們堅持的理由……”（《Dear u》（清唱））

（過場音樂：《Dear U》）

旁白：秋天係落葉嘅季節，望住D落葉總會令人有一種失落感。秋風慢慢吹起咗地上嘅枯葉，輕輕咁飄入城市嘅某個角度，張小軒個心就好似D枯葉咁任憑住直覺帶住佢往前行，最後佢來到同沈薇第一次相遇嘅果間酒吧門口停低咗落來。呢段時間以來發生嘅點點滴滴好似流水一樣，喺心裏、腦海裏湧現。佢忍唔住喺背囊度拿咗支筆同本簿出來，寫低咗幾行字，然後又撕落來折成紙飛機隨隨意咁飛咗出去……最後，佢決定再去一個地方，見一個人！

沈薇：唉……點解同Gary一齊，硬係無第一次喺酒吧見面果種感覺嘅？無理由嘎，唔通時音隔得太長？又唔係呀，我夠經常喺Hins身上揾到果種感覺啦，我好記得果種feel係點嘎！唉，Hins……Hins……，我唔可以再咁搖擺不定嘎啦！我已經選擇咗Gary，就唔可以再……不過，我好耐都無聽Hins唱歌啦，好挂住佢唱果D歌啊……Hins……Hins……Hins……

張小軒：“醒了我都不會睜開眼睛，是怕淚水慢慢天噬心情，原以為我們有了約定，就能夠聽見朋友祝福的聲音……”（《無能為力》清唱）

沈薇：疑？點解好似聽到有人唱歌咁嘅？

旁白：雖然只係好細聲，但沈薇唔知點解就係聽到，佢行到陽台周圍望咗下，最後佢發現企喺樓下抑頭望住佢嘅張小軒。佢口中依然繼續唱住岩先沈薇所聽到嘅歌。

張小軒：“還來不及和你，和你在一起，數著天空裏墜落的星星，你已經離我而去，愛沒有繼續，原來我根本不是你的唯一。我緊閉雙眼，屏住呼吸，根本就不敢在夜裏想你，誰知道白天遇見了你，看見你新的唯一靠在你懷裏，我流幹眼淚，不能呼吸，我無法面對最後這個結局，曾經我們有過無數話題，愛到最後，我們對愛竟會，無能為力……”

旁白：落葉、枯葉繼續喺風中悠悠自在咁飛舞，有一只紙飛機加入咗佢哋嘅隊列之中，不斷咁向上高飛，好似想向某個方向、某個人果度飛去咁。忽然有個小朋友拾起呢只紙飛機，好奇咁打開咗來睇……

一直都好想話給你知，我就係地場衛，我就係禮服蒙面俠，我就係果條“失落的一角”頸鏈嘅主人，我就係化妝舞會同你一齊跳舞，對你一見鍾情嘅果個男仔。可惜，我錯過咗一次又一次同你相認嘅機會，或者呢D就係愛情嘅一種缺憾美啦，無論我去到邊度，無論我哋相隔幾遠，我都會永遠守候住心底裏對你嘅呢份愛。可能，你會怪我嘅不辭而別，但係如果放開你，可以令你生活得更開心、更幸福嘅，呢個亦都會係我愛你嘅一種方式。