德育話劇劇本
劇目：公平的風采
演員：子謙、偉文、德仔、光仔
時間：下學期開始
(第一幕)
德仔：喂！聽miss講今日會有一個插班生來地班喎‧
光仔：我知、我知！聽講佢係舊年畢左業o既「短跑王子」個細佬黎架。
德仔：咦！咁佢跑步有冇佢阿哥咁勁呀？
光仔：犀利囉！佢係舊校的時候，係一百米短跑的紀錄保持者，同佢阿哥一樣咁勁！
(德仔、光仔齊齊望住子謙)
子謙：我聽到你地講咩，我都未驚過。你地唔記得左我剛係運動會中贏得一百米短跑冠軍咩，仲破埋大會紀錄，我來無影、去無踪，邊個係我對手。
  
(第二幕)
(上體育課，偉文跑得快過子謙)
德仔、光仔：嘩！你睇你睇！佢真係好「勁」呀！
(小息鐘響起，偉文過來，子謙唔開心的站在一邊)
德仔：偉文你好掂呀！點樣先可以跑得好似你咁快？
(光仔不停吃緊花生)
偉文：我每日放學後都會跟阿哥去運動場練跑，風雨不改。
光仔：你就好啦！有阿哥同你一齊跑。我就無喇，所以我就係咁o既身型，唉……呀！我有花生，你食唔食呀，等你補充體力。
偉文：多謝你呀！但我對花生有敏感，任可花生製的食品都唔食得，如果唔係，我全身會出晒紅疹，乜野活動都做唔到，好鬼慘的！
德仔、光仔：咁樣咪好慘！
  
(第三幕)
體育老師：各位同學，我地學校即將會挑選一名短跑好手代表學校參加東區的跑步比賽，如果贏左的更會與十八區的好手再比賽，贏取全港總冠軍，再接受精英的訓練。
(同學之間議論紛紛)
德仔：我就話偉文實贏梗的啦！
光仔：本來謙仔都得o既，唉……真係「既生瑜，可生亮」呢！睇黎謙仔都係要陪跑的喇。
(子謙聽到後握緊拳頭)
子謙自言自地說：如果偉文唔黎，我就係第一，最衰就係佢！(呢時佢見到花生糖，如果偉文食左……)
  
(第四幕)
(小息時)
子謙拿著一包花生忌廉餅，表情猶豫，俾唔俾佢食好呢？
子謙：偉文，得你一個o既？我想……
偉文：你想做乜呀？
子謙：(鼓起勇氣)我本來想請你食花生忌廉餅。
偉文：嗄！我唔食得的喎。
子謙：我知！因我好想贏得跑步冠軍，如果你食左呢包餅，就唔可以參加明天的選拔賽，我就sure win，但…我相信我自己的實力，因我都有勤加練習。我要贏得光采、贏得漂亮！
偉文：(笑笑口拍拍子謙)好！我好高興有一個正直、公平的對手，(伸出右手)我接受你的挑戰！
  
全劇完

• 评论内容...
• 匿名发表
• [添加到收藏夹]
• 发表评论：(匿名发表无需登录，已登录用户可直接发表。) 登录状态：未登录