第七集
張小軒：當佢有事嘅時候，

沈薇：我會一直陪住佢。

張小軒：如果我有事呢？

沈薇：我會一直守候你。

張小軒：我想一直攬住你。

沈薇：因為

合：我愛的人是你！

（音樂：《無能為力》）

旁白：自從果晚喺公園發生嘅事之後，除咗肖顯志同沈薇仲有講有笑之外，其他人完全互不理對方，就連平時食飯一行四人，都一下子變成孤單只影咁。張小軒將所有嘅精力都擺曬喺寫歌果度，不過無咗細妹幫手借琴房給佢借助樂器寫歌，佢就更加寸筆難下，再加上心情太過壓抑嘅關系，到咗臨交歌嘅前一日，佢只歌依然只係寫到一半就點都寫唔落去了。不過，陷入痛苦深淵嘅人並唔只佢一個。就喺呢日嘅前一晚，肖顯志嘅媽媽因為舊病複發入咗醫院，情況仲相當危險添，於是佢漏夜趕咗去深圳。沈薇知道件事之後，亦都跟住趕咗過去。只可惜去到嘅時候，已經遲咗一步……

肖顯志：佢連一聲“再見”都無同我講，就走咗啦，嗚……佢話過要參加我大學畢業禮嘎！嗚……點解連佢都唔守諾言啊！點解啊！媽——你同我返來啊！你同我返來啊！

沈薇：Gary，唔好咁啦！冷靜D！你要接受現實，你一定要堅強啊！只要你給D勇氣自己，勇敢咁面對，悲傷就會好快過去嘎啦！

肖顯志：嗚……我唔要媽媽就咁離開我啊，我唔要啊！嗚……

沈薇：Gary！企起身啊！你一定要拿勇氣出來面對呢件事啊，你仲有個八歲嘅妹妹要你照顧嘎，如果你勇敢D，你會令所有關心你嘅人都好擔心嘎！

肖顯志：唔得啊！我真係無咁大嘅勇氣去面對呢件事……我做唔到啊！

沈薇：你無勇氣，我給你呀！我將我所有嘅勇氣給曬你！仲有，仲有呢條頸鏈，佢原來個主人都係靠佢來獲取主人嘎！你記唔記得《失落的一角》果本書啊？你都睇過嘎！本書係講一個好鍾意唱歌嘅圓因為無咗一角，所以好孤獨、好唔開心，於是佢不斷咁去揾佢失落嘅一角，途中佢經歷一次又一次嘅希望同失望。由於佢缺咗一角，所以滾得唔快，但亦都因為咁佢比起其他完整嘅圓所經歷嘅嘢都要多，所以佢依然好開心，因為一路上有好多唔同嘅朋友與佢相識、同行。有一日，佢終於揾返果一角，但佢卻因此無咗人生目標，亦都唱唔到歌。你明唔明呢個故意係乜意思啊？

肖顯志：唔明啊！唔明啊！

沈薇：呢個故事係話給你知，就算再艱苦嘅人生，都唔應該輕易絕望嘎，書裏面果個圓圈只有佢自己一個，都可以有咁大嘅勇氣去經歷咁多嘢，你一樣可以嘎！而且你仲有我哋班好朋友喺你身邊，你擁有嘅勇氣一定會比果個圓圈多好多倍嘎！（漸哭）你唔係一個人面對困難嘎，我哋成班好朋友都會陪你一齊面對嘎！知唔知啊！Gary，你要振作啊，你媽媽會喺天國一直守護住你嘎！

肖顯志：Mei Mei……

（過場音樂：《Blessing》OR《Dear U》）

張小軒：啊——諗唔到！諗唔到啊！

旁白：張小軒好“猛”咁拿起手上D草稿紙撕到爛曬！離交歌嘅時間仲有24小時都唔夠，佢覺得自己已經開始泄氣、開始絕望了……

回憶。

（沈薇：一定無問題嘎！）

張小軒：Mei Mei……Mei Mei……唉，佢宜家喺深圳陪緊Gary，邊有可能係佢呀！

砰……

旁白：就喺呢個時候，課室嘅門突然打開咗，有個女仔喘曬氣咁企喺門口。

沈薇：你真係喺度！

張小軒：Mei Mei？你……你唔係喺深圳嘅咩？Gary呢？

沈薇：佢今日情緒有D失控，好早就返咗酒店休息了。

張小軒：你……為咗我專登趕返來嘎？

沈薇：我……係怕你到時搞唔掂只歌，個原創組被逼廢除，又多人情緒失控喳！

張小軒：Gary佢伯母點啊？

沈薇：佢……佢情況尚算穩定。

張小軒：但你又話Gary佢情緒有D失控嘅？

沈薇：哦……咁係曾經出現過危險時期呀嘛，宜家都無事啦。喂，你仲唔快D寫歌，宜家已經12點幾啦，得返十幾個鍾喳，仲唔快D寫埋只歌！

張小軒：只歌淨係寫咗一半我就寫唔落去了……

沈薇：給我睇下。D譜我就唔識嘞，不過D歌詞寫得幾好呀，幾勵志喔！Hins，你又唔記得果句……

張小軒、沈薇：一定無問題呀嘛！

沈薇：既然記得嘅，仲唔快D抓時間寫，未到最後一刻，都仲有機會啊！你一定無問題嘅！

張小軒：你呢句係咪咒語來嘎，我聽完之後成個人精神曬嘅？

沈薇：咁唔好咩？快D寫啦！我出去睇下D商鋪收檔未，買D宵夜給你食嘞。

張小軒：咁夜你一個女仔出去，我唔放心啊！你留喺度呀。

沈薇：唔怕喔……

張小軒：我想你留喺度啊！好嗎？

旁白：沈薇望住張小軒懇求嘅目光，好快佢就軟化咗，微微笑咗下，然後坐咗喺張小軒對面，同佢面對面咁坐。

沈薇：放心啦，我會一直坐喺度，半度都唔離開！

張小軒：我以為咗因為果晚公園件事嬲咗我，唔再同我講嘢添……

沈薇：本來係嘎，不過今日睇返日歷，知道你明日就要交歌了，我聽小倩講你好似都無乜進展咁，仲係成日皺埋個眉頭。擔心你，咪忍唔住走返來嘍。

張小軒：如果給Gary知道，佢一定會好嬲。

沈薇：給你妹知道我成晚無返來，佢仲嬲啊！喂，係咪呢個時間來撩架哎啊？

張小軒：唔係唔係！

沈薇：咁就唔好分手，快D寫啦！仲笑喔！

張小軒：我喺度諗，如果可以嘅話，真係希望你可以攬住我，直到我完成只歌為止……

沈薇：仲講笑喔！如果我攬住你嘅話，你點寫字啊！

旁白：張小軒無答會到沈薇嘅說話，只係笑住咁DUT低頭，“埋頭苦作”。而沈薇就甜絲絲咁喺旁邊偷笑，對於佢來講，張小軒終於講返D佢想聽嘅說話了！

沈薇旁白：Hins，可以嘅話，我唔只希望可以攬住你，我更加希望我可以一直守候住你，陪你行過每個人生嘅起起跌跌！

（過場音樂：《My Way》）

張小軒：Yes！終於完成啦……

沈薇：真嘅？唱給我聽下？

張小軒：只歌係四個人唱嘎，我先拿去聽老師聽下先，如果過到關嘅話，我第一個揾埋其餘三個partner一齊唱給你聽！

沈薇：好啊！等你嘅好消息。

張小軒：喂，你昨晚陪咗我成晚，你都好累嘎啦，不如你返宿舍休息下先啦。

沈薇：唔啦，Gary今日打電話給我，話下午會返來，應該差唔多到了，我想等埋佢。

張小軒：你哋感情都幾好喔……

沈薇：我哋好朋友來嘎嘛，感情當然好啦。

張小軒：佢咁快返來，我諗伯母應該無事啦呱！

沈薇：其實伯母佢……

張小軒：喂，一講曹操，曹操就到喔！Gary！

肖顯志：Hi。

張小軒：嘩，乜你個樣咁殘嘅？哎，我只歌終於寫好啦，等陣我就拿給老師聽，我諗“一定無問題”！過硬啊！

沈薇：Hins，我有嘢想同你講啊。

同學：Hins，合唱團嘅指導老師叫你宜家將只歌過去喔。

張小軒：OK，即刻送到！Mei Mei，我好快就會帶個好消息返來，你等我啊，只歌無咗你都完成唔到，今晚我哋幾個去拆餐勁嘅，慶祝我創造學校合唱團歷史邁出嘅第一步！等我返來呀……

沈薇：喂，Hins……有無搞錯呀，又會走得咁快嘅！

肖顯志：佢睇上去好似好開心喔。

沈薇：唔係啊，Gary，Hins佢未知道你媽媽嘅事，所以至會咁嘎喳！

肖顯志：係咩？我覺得就算佢知道，佢一樣會咁開心喔。不過唔緊要呀，我可以唔要佢呢個朋友，但我一定要你！