第六集
張小軒：自己嘅快樂，

沈薇：別人嘅痛苦，

張小軒：必須二選一嘅時候，

合：點辦呢？

張小軒：我好怕

沈薇：我怕因為選擇

合：而失去你！

（音樂：《無能為力》）

沈薇：來呀來呀，就係呢度啦！

張小軒：教堂？

沈薇：嗯！我以前一個舊同學係呢度嘅唱詩班嘎，我岩先打過電話給佢，佢話可

以給你跟住佢哋一齊上練習堂，聽D專業老師上課，如果有唔明，你亦都可以問

個老師嘎！佢哋上堂嘅老師都係喺好出名嘅音樂學院畢業嘅，一定會給到好多專

業嘅意見給你嘎！

張小軒：真嘅？

沈薇：嗯！哎，果個就係我朋友啦。Grace……

Grace：Mei Mei，來咗啦，又幾快喔！呢位就係你電話度講果個朋友啊？

沈薇：係啊，佢叫Hins。

張小軒：Hi。

Grace：Mei Mei大概同我講過下你嘅事情嘎啦，你就喺旁邊坐低同我哋一齊練習

又得，同我哋一齊聽課又得，隨便你。

張小軒：今次麻煩曬你哋呀！

Grace：唔緊要，舉手之勞啫！老師了，我哋都要練習了，你哋坐埋一邊先啦。

等陣如果你哋要討論嘅話，盡量唔好太大聲喔，知嘛？

沈薇：知道啦。

張小軒：我哋坐果邊嘍。

沈薇：嗯。

旁白：張小軒同沈薇揾咗個位坐低，然後好認真咁一齊跟住教堂裏面唱詩班嘅人

一齊上課。張小軒仲好勤力咁做好每樣筆記添。

沈薇：你記好多嘢喔。

張小軒：無計啦，合唱團個指導老師話要我哋個原創組“唱、作、編”都要過關嘎

，唔做足D筆記，我怕其中一樣衰咗，咁所有嘅努力就白費嘎啦。

沈薇：嘩，果個指導老師分明唔想給你出風頭啫！又要唱得、作得，兼識編埋曲

喔，咁掂嘅你都做咗歌手啦。

張小軒：無辦法啦，既然老師咁要求，就要頂硬上了。唉，“唱”我都仲得嘅，不

過“作”同“編”我都係得半桶水，都唔知點補鍋添嘎！

沈薇：一定無問題嘎！我相信你一定可以寫到只令所有人都滿意嘅歌嘎！

張小軒：點解你對我咁有信心嘅？

沈薇：如果連我都對你無信心，咁你咪又少緊個信心來源！我唔係對你有信心，

我係“要”你有信心啊！喺我眼中，所有關於音樂嘅嘢，都唔會難到你張小軒，因

為我感覺到你對音樂嘅果份Heart！所以，你一定無問題嘎！

（音樂：《Blessing》）

旁白：離開咗教堂之後，張小軒同沈薇一齊返到學校嘅時候已經係晚上七點幾了

。一路人，兩個人都保持沉默，各有各嘅心事。即使返到咗學校，但佢哋都無想

即使返上宿舍嘅心。

張小軒：Mei Mei，我有件事想同你講，不如我哋去前面嘅公園坐下嘍。

沈薇：好呀。

張小軒旁白：我諗我唔應該再扼佢了，今晚我就要話給佢知我就係化妝舞會佢遇

到果個男仔。

沈薇：點啊，你想同我講乜嘢啊？

張小軒：化妝舞會果晚，你遇到……

張小倩：哥！

肖顯志：終於揾到你哋啦！

沈薇：做乜啊？

肖顯志：我問你哋兩個做乜嘢就真啊，去聽人哋唱歌啫，都唔使去成個下午呱，

連手機都唔開添！

沈薇：手機？

張小軒：係喔，我哋岩先喺教堂關咗手機，一直都未開返呢。

張小倩：乜你哋咁大頭蝦嘎！

肖顯志：係嘍，Mei Mei，你真係擔心死我啦。

沈薇：我同Hins一齊，唔使擔心喔。

肖顯志：係呢，你哋兩個喺度做乜嘢啊？

沈薇：哦，Hins話有嘢想同我講喔。

肖顯志：但都唔使來到公園仔度講嘎。喂，Hins，你唔係想向Mei Mei表白呀嘛

？

張小軒：當然唔係啦，你咪亂古啊！

肖顯志：係你都唔准講啊！因為我已經決定要Mei Mei做我女朋友。

張小倩、沈薇：咩呀？女朋友？

沈薇：點解Hins好似無乜反應咁嘅？

旁白：肖顯志嘅諗法，張小軒早就知道，所以佢一D都唔覺得驚訝，但親耳聽佢

講出來，個心依然係癮癮作痛，但呢D痛旁人根本就好難會發現得到。原本想同

沈薇講嘅說話，呢個時候亦都全部吞返曬落肚。

張小倩：Mei Mei，枉我一直當你係好姐妹咁看待，我已經讓咗一個哥給你啦，

你仲要搶埋我嘅Gary？

張小軒：小倩！呢D係Mei Mei同Gary嘅事，我哋返上去先。

張小倩：唔制啊，我今日無論如何都要同Mei Mei講清楚嘎嘞！

肖顯志：小倩，我無可能鍾意你嘎！

張小倩：點解啊？你一直都好錫我，對我好好嘎，同對其他女仔原完唔同嘅。

肖顯志：咁係因為你嘅係Hins嘅細妹！因為我父母嘅離異，我同我親細妹被逼要

分開，所以我每次見到你，就好似見到我細妹一樣。但亦都因為咁樣，我無辦法

對你産生男女之間嘅果種感情，你明唔明啊？

張小倩：你係因為我係Hins嘅細妹至唔可以鍾意我？

肖顯志：係呀。

張小軒：喂，小倩，你唔係想連我呢個哥都唔認呀嘛？

張小倩：我……

張小軒：你咪話“係”啊！

沈薇：哎，Gary，我從來都無話過要做你女朋友喔！

肖顯志：你係無講過，但從今日開始我會努力令你願意做我女朋友。今次我係認

真嘎，我要你做世界上最幸福嘅戀人！

張小倩：我憎死你哋啊，你哋全部都係衰人來嘎！嗚……

沈薇、張小軒：小倩……

旁白：沈薇同張小軒互望咗一眼，然後尷尬咁將視線移向另一邊。

張小軒：你同Gary嘅事，我唔方便留喺度，你哋慢慢傾。

沈薇：咪行住！你話呢D係我同Gary嘅事？

張小軒：當然啦，（苦笑）呢度除咗我係外人之外，已經無其他人啦，唔通你哋

要我做第三者咩，咪搞我！

旁白：聽到呢度，沈薇強忍住心裏面因傷心面引嘅怒火，呢一刻佢真係覺得自己

好傻，佢竟然會對張小軒有期望，佢竟然會對佢有錯覺，真係夠曬天真！

沈薇：咁又係，做外人，總好過做第三者嘅！Gary，我今晚有D累，我哋嘅事遲

D再傾。

（沈薇跑走）

肖顯志：Mei Mei！

旁白：就喺肖顯志想追上前去嘅時候，佢忽然停低咗腳步，背對住張小軒。

肖顯志：Hins，我睇得出你同我一樣，都好在乎Mei Mei。

張小軒：你放心，我對佢嘅只係朋友果種在乎，無其他。

肖顯志：就算你對佢係另一種在乎，我都唔會將Mei Mei讓給你。

旁白：肖顯志講完亦都離開咗公園，昏暗嘅公園裏面只剩返張小軒一個人，佢無

力咁坐咗喺張石凳度。

張小軒旁白：睇來，我今晚真係來錯咗呢度。原來小倩一直都好在意我呢段時間

對佢嘅忽略，我唔單只傷害咗同小倩之間嘅親情，亦都傷害咗同Gary之間嘅手足

之情，更傷害咗同Mei Mei所建立嘅感情！唉，點解會搞成咁嘎！

（音樂：《断点》OR《孤单公园》）