第五集
沈薇：愛情嘅變化，

張小軒：經常會令人悔不當初！

沈薇：早知如此，

張小軒：又何必當初！

沈薇：如果可以重新選擇，

張小軒：我一定會同你相認！

沈薇：可惜，

合：一切都唔可以返轉頭了……

（音樂：《無能為力》）

張小軒手機響……

張小軒：喂？（睡覺中）

肖顯志：Hins，得唔得閑啊？出來坐下呀。

張小軒：嘩，家陣成點鍾嘍喔，點出啊。

肖顯志：明日星期日，又唔使返學，你就出來，陪下我啦。

旁白：張小軒好似聽到肖顯志果邊不尋常嘅語氣咁，成個人即刻清醒咗好多。

張小軒：Gary，你無事呀嘛？飲咗好多啊？

肖顯志：小小啫，點啊，出唔出來啊？

張小軒：你呢幾日都古古怪怪咁。唉，好嘞，出來陪下你啦，你宜家喺邊啊？

旁白：收咗線之後，張小軒就來到肖顯志玩緊嘅果間酒吧度，去到嘅時候肖顯志一個人灘喺張台度，台面上仲擺滿曬酒添。

張小軒：喂，Gary，做乜飲咁多啊？起身先啦！

肖顯志：Hins，你到咗啦？（有醉意）

張小軒：你發生乜嘢事啫，呢兩日又唔去溝女，又唔去撩女仔，咁反常嘅？

肖顯志：Hins，李老師佢要同第二個結婚，佢要結婚啦！

張小軒：唔係呱，唔怪得你搞成咁啦！

肖顯志：佢係我第一個真正愛上嘅人，三年前佢答應過我，話如果我可以考上大學，佢會同我一齊嘎！宜家算點啫，唔單只反口，仲要結埋婚添，佢當我係乜嘢啊！

（過場音樂：《自愛》）

張小軒：唉，都成幾個月啦，你仲未放得低啊？

肖顯志：我都想放低啊，但我真係做唔到啊！

張小軒：所以你就將自己嘅痛苦建立喺其他女仔身上，Right？

肖顯志：我……

張小軒：Gary，唔好再困死自己喺一角度啦。李老師佢根本就無可能會鍾意你，佢咁同你約定，都唔想你因為佢而誤咗你嘅學業，相反，佢希望你可以以佢為動力，讀好D書。咁耐嘞，你仲係唔明白李老師嘅用心？

肖顯志：我討厭失望啊！既然明知無結果，佢當初就唔應該給希望我！

沈薇：Hins、Gary，終於揾到你哋啦，我行咗成個圈至揾到喳！

張小軒：Mei Mei，做乜你都會來嘅？

沈薇：Gary叫我來嘎，佢喺電話到好似飲到PE PE夫咁，我好擔心佢啊，咪來睇下佢嘍，好在我今個星期無返到屋企留喺宿舍喳，如果唔係都出唔到來呀。Gary佢無事呀嘛？

張小軒：佢嘅初戀情人要結婚，所以咪搞成咁嘍。

沈薇：結婚？你哋好似未夠年齡結婚嘎！

張小軒：對方係大我哋幾年嘅老師來嘎。

沈薇：唔怪得啦！

張小軒：幫手勸下佢呀，我勸唔掂啊！

沈薇：你諗嘢咁成熟都唔掂，我咪仲唔掂！

張小軒：咁陪佢傾下計，總好過由得佢喺度死飲酒呀嘛！

沈薇：喂，Gary……

肖顯志：Mei Mei，來，我哋再叫多打啤酒一齊飲！

旁白：肖顯志一只手搭住沈薇膊頭半攬住佢，張小軒見到眼珠幾乎要突出來咁制。沈薇見到，馬上撥開肖顯志只手。

沈薇：唔好再叫啦，你飲唔曬嘎！

肖顯志：我呢個啤酒缸來嘎，飲得落！

沈薇：你再飲啤酒肚都有得你做啊！喂，其實你有咁多女朋友，又何必咁執著一個啫。

肖顯志：你唔係我，你唔明嘎啦！佢係我第一個愛上嘅人，到宜家我都仲係咁愛佢，我忘記唔到佢啊，但係佢竟然……

沈薇：我知，舊情人結婚了，新郎不是你呀嘛。到底你諗清楚未嘎？你真係仲愛佢咩？你覺得宜家嘅你好了解宜家嘅佢咩？你愛嘅係當日嘅佢，定係宜家嘅佢先？我覺得係你太過執著過去式嘅果段感情嘍，一直都唔肯放開自己，靜靜咁聽下自己真正嘅心。計我話，你根本唔係仲愛，只係每個人都覺得有一份曾經屬於自己嘅人或感情，再亦都唔可能屬於自己了，所以至有D失落啫，你諗通咗，好快就會無事嘎啦！

旁白：雖然沈薇並唔了解成件事嘅來龍去脈，卻講出咗令肖顯志驚訝嘅說話。佢呆咗咁望住沈薇。

張小軒：嘩，你好犀利啊，佢停咗喺度，無再飲酒啦！

旁白：就喺張小軒為此而開心嘅時候，只見肖顯志一手攬住沈薇，將佢攬到實一實。

張小軒：喂，Gary！

沈薇：Gary，你做乜啊？

肖顯志：求下你，給我攬下，一陣，就一陣！我一直都好想有個人可以幫我解脫……多謝你，Mei Mei！

旁白：透過對面嘅玻璃櫃，沈薇望到張小軒果個痛苦又無耐嘅表情，兩個人喺玻璃度互相望住對方。

（過場音樂：《太遠》）

學校。

旁白：一連幾日，沈薇都一直陪住肖顯志，其實應該話係肖顯志要求佢陪住自己，沈薇一向都唔善於拒絕人，再加上肖顯志亦都算係佢喺呢間學校識嘅第一個好朋友，見到佢唔開心，佢都想好好咁安慰下佢。只不過，安慰咗肖顯志嘅心，卻令另一個人嘅心受咗傷。

張小倩：Gary，阿哥，Mei Mei，食飯啦！

肖顯志：Hins，行嘍。

張小軒：我今日食即食面得了，你哋去啦。

肖顯志：做乜咁省啊？係咪零用錢就快用曬啊，最多我請你嘞。

沈薇：係嘍，一齊去啦。

張小軒：唔使了，我提議合唱團搞一個原創組，但係指導老師話如果我哋喺一個星期之內唔出只好嘅作品出來，呢個原創組就要馬上解散，所以我一定要快D寫好只歌至得。

肖顯志：既然係咁，我哋自己去嘍。

沈薇：食鄧使面無益嘎，不如我哋買D三文治或者粉給你呀。

張小軒：好呀，唔該曬。

沈薇：加油呀，一定無問題嘎！

張小軒：嗯！

張小軒旁白：雖然呢幾日Mei Mei都成日同Gary一齊，不過見到Mei Mei仲咁關心我，咁支持我，我個心都總算無咁酸……不過，睇住Gary望Mei Mei嘅眼神越來越專注，我個心就越來越不安，希望係我多心啦。

旁白：張小軒稍稍收拾下收情，繼續對住一大堆音符，不斷咁去拼湊住D音符同D歌詞。話曬佢都係呢個原創組嘅創始人，佢一定要寫一首似樣嘅歌出來至得！不過流行曲始終唔可以拿給老師睇，老師一定會退返只歌返來要求重新寫。只有一個星期嘅時間，對於極少作曲、作詞嘅張小軒來講，真係好高難度！

（沈薇沖入來）

沈薇：Hins……Hins……

張小軒：你跑急做乜啊？有好緊要嘅事咩？

沈薇：寫歌！我諗到有個人可以幫到你嘎！

張小軒：真係？邊個啊？

沈薇：唔好講咁多啦，今日星期三，佢哋啱啱好要訓練，我哋宜家去仲趕得切嘎！

張小軒：喂，你食咗飯未嘎？

沈薇：食遲D唔緊要嘅，我哋去完再返來食一樣嘅啫！我已經叫Gary幫我哋請假嘎啦，快D拾嘢行啦，再唔行來唔切嘎啦，到時半路中途打斷人哋練習就唔好啦！

張小軒：OK，我即刻拾嘢！

（音樂：ON FIRE（HAVE U EVER？）