第三集
張小軒：幸福，

沈薇：原來係有聲音嘎。

張小軒：不過，

沈薇：人總要喺清醒嘅時候，

合：先至可以聽得見！

張小軒：但係你，

沈薇：卻忽略咗去傾聽內心幸福嘅聲音。

（音樂：《無能為力》）

沈薇：Hins……唔通你就係禮服蒙面俠？

肖顯志：嘩，乜本書咁犀利嘎，睇過就可以做禮服蒙面俠嘅咩？我都睇過喔，咁我係咪Spider Man啊？

張小軒：係……嘍，本書咁出名，好多人都睇過啦。

沈薇：唉，咁算啦，我都知無咁容易給我遇返嘎啦。

張小軒：其實你已經……

肖顯志：Mei Mei，

張小軒旁白：遇……返……啦……（聲音漸細）

旁白：只可惜沈薇只顧住聽肖顯志講嘢，完全聽唔到張小軒最後果三個字。

肖顯志：你岩先話條鏈係白馬王子送嘅，乜你有男朋友嘎啦？

沈薇：梗係啦，我屋企管得我好嚴嘎，邊會給我咁早拍拖喔！個白馬王子係放假嘅時候喺一次化妝舞會遇到嘎，個舞會要交換禮物給喺果度相識嘅人嘎，所以佢咪送咗呢條鏈給我嘍，可惜我連佢叫乜嘢名都唔知。

肖顯志：化妝舞會？喂，呢個假期我同Hins都有去參加過化妝舞會喔！

沈薇：咁你哋個化妝舞會係咪電台搞果個啊？

肖顯志：係啊！我果晚扮流川楓，Hins就扮……

張小軒：喂，打鍾啦！仲講，行啦……

肖顯志：打鍾？我無聽到嘅？

鈴……

張小軒：嗱，都話嘎啦！仲唔跑，遲到啦！

沈薇：喂，等埋我啊！

肖顯志：Mei Mei，使唔使我背你啊？

（過場音樂：《我的寶貝》）

旁白：一日落來，喺肖顯志嘅帶領之下，張小軒、沈薇已經將班裏面嘅同學識得七七八八。只不過，肖顯志仲唔滿足，連隔離班嘅人都走去識埋，不過以佢嘅外型，識朋友並難唔到佢嘅！淨返張小軒同沈薇嘅時候，佢哋就好似孖公仔咁坐埋一齊有講有笑，兩個人好似有講唔完嘅話題咁，不知幾好傾！

沈薇：放學嘍喔，只蝴蝶又飛咗去邊啊？

張小軒：蝴蝶？

沈薇：Gary啊！

張小軒：哦……（^_^），個名好抵死啊。

沈薇：但好貼切，係咪？

張小軒：（^_^），宜家係放學，我諗佢應該去咗球場打波，你知道果度都係展現個人魅力嘅好地方來嘎啦！Gary又點會放過呀！

沈薇：Gary真係好輕浮喔，到處去溝女咁濫交嘎！

張小軒：受過傷嘅男人，好多時都會變成佢咁嘎！

沈薇：啊？Gary呢個大情聖都會受傷？

張小軒：人哋嘅事我哋咪咁八啦！得唔得閑啊，我去同我細妹匯合，一唔一齊來？

沈薇：唔啦，你去揾你細妹我跟埋去做乜喔，貪過癮咩！

張小軒：有正嘢給你睇喔！

沈薇：真嘅？A仔啊？

張小軒：（^_^），正過A仔！

沈薇：係咁就要去睇下啦！

旁白：沈薇好好奇咁跟住張小軒來到學校嘅音樂室，去到嘅時候張小倩已經等到好唔耐煩皺曬眉頭了！

張小倩：哥啊，乜你咁遲嘎！Gary呢？

張小軒：籃球場呱，你淨係識得挂住佢嘅啫！

張小倩：我咁辛苦幫你扼老師借個音樂室來練琴，都算唔話得啦！疑，你咪今日中午一齊食飯果個姐姐，點解你哋一齊來嘅？唔通你哋……

張小軒：咪亂講嘢啊，反面嘎！

張小倩：唔講咪唔講嘍！

沈薇：（^_^），你哋兩兄妹感情都幾好喔！

張小軒：成日吵架都叫好啊？

沈薇：就係咁樣，感情至會特別深厚！哎，你又話有好嘢給我睇嘅？

張小軒：係啊，過來呀，你可以睇亦可以聽！

旁白：張小軒坐咗喺音樂室架鋼琴旁邊，放低D嘢，試咗幾下音。

張小倩：我哥好鍾意音樂嘎，由細到大彈琴唱歌不知幾掂！

沈薇：但點解會係你讀音樂，佢讀經濟管理嘅？

張小倩：唉，佢話男人應該有承擔一個家嘅責任喔，所以佢咪撿呢個專業，等第日早D出來賺錢嘍。至於音樂嘍喔，就當然由我呢個偉大嘅細妹不定式幫佢完成佢嘅夢想啦！

張小軒：生活始終係最重要嘅，唔通想日後餓死老婆揾臭屋咩！喺我心目中，一家人能夠開開心心咁生活，比夢想都更來得重要！

張小倩：聽到啦，我哥係咪一個幾唔錯嘅老公呢，幾諗得過嘎！

沈薇：呢層我都知。

張小軒：你哥好，人哋有眼睇嘅，使你講！你仲唔快D去揾你個Gary，咁多嘢講！

張小倩：趕我走咁話嘍喔！好，走咪走，我去陪下我個Gary都好，費事理你啊！Mei Mei，我走先啦。

沈薇：88……

張小軒：喂，小倩，咪走住！

旁白：張小軒忽然諗起D好重要嘅嘢，即刻叫停張小倩，拉佢埋一邊細細聲咁同佢講。

張小軒：我今日中午同你講D嘢你記得至好啊！

張小倩：知道啦，你話唔可以同任何人講Mei Mei戴住果條頸鏈係你嘅果半條鏈呀嘛！Mei Mei同Gary都唔准講，係咪？記得喔！不過，我真係唔明點解唔可以講呢！

張小軒：呢層你咪理！總之，一場兄妹幫我保持呢個秘密，得唔得先？

張小倩：得啦，我哋呢D義字行頭嘎嘛，話過唔講就唔講！喂，你無其他嘢，我走嘎啦，我怕Gary會走咗啊。

張小軒：嗯。記得早D返屋企啊！

沈薇：你哋兩兄妹密密斟完未啊？

張小軒：斟完啦！

沈薇：咁我有歌仔聽未呢？

張小軒：有！歌仔馬上送到！咳咳，聽住嘍喔，我……獻醜啦！

旁白：沈薇輕輕靠住個鋼琴，左手托住個腮，慢慢咁聽住張小軒手指彈動嘅琴聲，同埋佢所唱出來嘅動人歌曲。

（音樂：《無能為力》OR《斷點》）

沈薇旁白：我合埋雙眼，讓自己嘅思緒慢慢跟住Hins嘅音樂喺每寸神經度遊走，喺Hins嘅音樂裏面，有好多好多好美好嘅感覺湧上我心頭，真係奇怪，呢D到底係乜嘢感覺啊？我忍唔住睜開雙眼，注視住Hins。

張小軒旁白：我好投入咁喺琴鍵上一邊彈一邊唱，雖然由細到大我都好鍾意唱歌，但從來我都無諗過要為邊個而唱，但今日我只係好想用心咁為Mei Mei唱好只歌！我忍唔住擡起頭，望咗下陶醉中嘅佢，岩岩好碰上注視住我嘅目光。

沈薇旁白：望住Hins嘅雙眼，忽然間我覺得眼前嘅呢雙眼睛有一種好熟悉、好親切嘅感覺，與此同時，喺我腦中閃過一個人嘅身影……

沈薇：地場衛？