第二集

合：原本以為同你會好難至再遇返。

沈薇：古唔到，

張小軒：我哋會考埋同一間大學，讀同一個系同一個班。

沈薇：但你並無話給我知，

張小軒：我就係果晚個男仔……

（音樂：《無能為力》）

溜冰場。

Grace：Mei Mei，一場來度溜冰場，你淨係坐喺度好無癮過喔。

沈薇：Grace，我都話我唔識溜，係你梗硬拉我來陪你我至來嘎喳！明日就開學啦，我唔想跌到成身瘀曬咁返學校啊！你自己去玩啦，我喺度坐下得嘎了。

Grace：係咁，我去玩啦，你乖乖地坐喺度嘍喔。

沈薇：知道！

旁白：沈薇嘅好朋友Grace好快就滑開去同其他果D朋友仔一齊玩了，沈薇好羡慕咁望住眼前飛快咁滑過嘅人。

沈薇：唉……如果我識溜冰就好啦！

肖顯志：我教你溜呀。

沈薇旁白：嘩，佢好靚仔啊，成個王力宏翻版咁嘎！

肖顯志：（^_^），乜我塊面好多嘢睇咩？

沈薇：啊……唔係，只不過……你太靚仔啦，所以咪望多兩眼嘍。

肖顯志：你都幾坦白過喔！點啊，願唔願意給個機會我教你溜冰啊？

沈薇：但我係第一次來溜冰場嘎喳，一D經驗都無，我怕跌到周身傷不單只，連連埋你無得玩就唔好啦！

肖顯志：我要玩，隨時都可以再來過啦！而且，我都想下次再見到你來，所以今日我會教識你溜冰為止！放心喔，我玩溜冰玩咗幾年嘎啦，我會喺好安全嘅情況下教識你嘅，包保你唔會跌到周身傷啊！來呀……

旁白：男仔講完之後，就伸出右手，微伏上半身，擺出一副好有紳士風度嘅樣。

沈薇旁白：嘩，乜呢個暑假我會有咁多豔遇嘅？計埋今次，我已經係第二次做咗童話故事裏面嘅公主啦，不過似乎眼前嘅呢個男仔更加似白馬王子喔！如果眼前嘅呢個男仔就係化妝舞會果晚個男仔就好啦，咁就真係perfect了！嘻……

肖顯志：點啊？信唔過我D技術啊？

沈薇：唔係，不過硬係覺得咁樣唔係幾好咁嘅……喂，你……

旁白：男仔見軟嘅唔得，幹脆來硬嘅，一手捉住沈微只手，拉住佢慢慢咁喺場上滑行。

肖顯志：我叫肖顯志，Gary，你呢？

沈薇：我叫Mei Mei，中文名沈薇。

肖顯志：你個名幾好聽呀，同你個樣一樣咁吸引！（^_^）……OK，Mei Mei你宜家給埋另一只手我，你扶住我兩只手，一步步慢慢咁向前滑，千祈唔好急喔，一急就好容易跌低嘎啦！總之你一邊滑一邊用心去掌握、感受下腳底嘅果個節奏。

沈薇：哦。啊——

旁白：沈薇一下子滑得大力過頭，成個人差D就跌低，好在肖顯志即刻將佢拉咗埋來，不過，亦都因為咁，肖顯志唔單只攬住咗沈薇條腰，兩個仲面貼面添。沈薇成個身好似火燒咁興合合，心臟仲跳到顛曬。今次嘅感覺比上次喺化妝舞會更來得猛烈，令到佢覺得好似有D招架唔住。而肖顯志只係微微咁笑咗下，然後輕輕放開沈薇，繼續拖住佢只手教佢溜冰。

（過場音樂：《心動》）

學校。

旁白：第二日一早，張小軒就同佢個妹妹張小倩一齊返學，由於張小倩早張小軒一年讀書，所以佢哋從小學到高中都係讀同一間學校，就連大學都考埋同一間。兩兄妹有講有笑咁來到門口，就撞到果個不停喺度向身邊D靚女放電嘅肖顯志。

肖顯志：Hins！

張小軒：Hello。

張小倩：早晨啊，Gary！v（^_^）v

肖顯志：早晨喔，小倩妹妹！

張小軒：晨早流流，咪撩我個妹啦！

肖顯志：哎，你個妹得意我至撩佢嘅啫！而且，我相信小倩一定唔會介意嘅，呵——

張小倩：係嘍，阿哥呀，我同Gary嘅事你咪理咁多啦！

旁白：張小倩唔理張小軒嘅面色，企過肖顯志身邊，小鳥依人咁挨住佢。

張小軒：哦，好啦，家陣你有Gary就唔使認我呢個哥嘎啦，唉，心淡！

肖顯志：無計啦，鬼叫我靚仔過你，把口又甜過你啊！係女仔都啉我唔啉你啦。

張小軒：我家陣好差咩！

肖顯志：唔差……不過，同我相比嘍喔，肯定差小小嘅！

張小軒：車，懶巴閉！你咁早企喺學校門口等我哋，無非都係想喺度顯現下你D個人風彩啫，點啊？今日又電死幾個女仔啊？

肖顯志：都有幾打嘎！啊，張小軒，Friends當中你都算了解我，不愧為我好兄弟！

張小軒：你籠嘢，我哋班人有邊個唔知嘎！

張小倩：係嘍，Gary你換女朋友仲快過換衫嘅，真係夠曬誇張啊！

肖顯志：咁男人不壞女人不愛呀嘛，就算明知我係咁嘅人，你都討厭唔到我呀，係咪？

張小軒：就來上課嘎啦，小倩仲快D走，你哋音樂系好似喺遠D嘅時幢教學樓過喔！

張小倩：知啦！Gary我中午過來揾你一齊去食飯呀，走先啦，88！

（張小倩跑走）

張小軒：呀，家陣我同你係同一個班過喔，佢竟然揾你食飯都唔揾我呢個哥食！真係女生外向！

肖顯志：喂喂喂，昨日喺溜冰場遇到果個女仔啊！

張小軒：你講咩啊？

肖顯志：昨日我咪去咗溜冰場玩嘅。

張小軒：果度係你嘅溝女聖地，你成日去嘎啦。

肖顯志：呢……果邊個女仔，我認得佢係昨日喺溜冰場識果個女仔啊！

旁白：張小軒順住肖顯志手指嘅方向望過去，喺無幾遠嘅地方有個長頭發嘅女仔拿住幾本書一直向課室嘅方向行去。

張小軒：唔使問，喺人哋臨走之前你又講返句“得閑嘅話再來玩呀，我會一直等你嘎”，係咪啊，肖顯志先生？

肖顯志：嘻嘻，係女仔都受呢句嘎啦！不過我今次就因為呢句說話衰咗啊！佢聽到呢句說話之後……

回憶。

（沈薇：包括你岩先邀請我溜冰，同埋你宜家呢句說話，我諗你平時應該都係咁樣來追女仔嘎了，係咪呢？不過，你多數都唔會認嘅，anyway，今次都好高興認識你，亦都好多謝你教我溜冰！）

肖顯志：唉，佢後來仲叫我下次唔好表現得太輕浮，如果唔係好易就弄巧反拙啊！如果我唔講最後果句就好了，一講就失曬分，失策失策！

張小軒：都預咗你遲早有咁嘅一日嘎啦！啊——個女仔好熟口面喔，喺邊度見過呢？

肖顯志：喂，好心你啦，呢D咁舊嘅巧我已經唔用N世啦！就算你要用呀，都應該去人哋面前講呀嘛！

張小軒：你古我係你咩，我真係覺得佢好面善嘎！

肖顯志：行嘍。

張小軒：喂，去邊啊？課室喺果邊喔！

肖顯志：咁有緣讀同一間學校，梗係要過去打聲招呼，拿返D分返來啦！

張小軒：喂，咪住先啊！喂……

肖顯志：Hi，靚女，仲記得我嗎？

沈薇：記得，你係昨日教我溜冰果個男仔呀嘛，你叫——Gary！你都係讀呢間學校嘎？

肖顯志：係啊。我哋都幾有緣過喔，咁快又見返面。

張小軒旁白：疑？個女仔條頸戴住嘅咪我另一半果條頸鏈？我記得啦，佢就係化妝舞會果晚個女仔！

（過場音樂：《明了》）

肖顯志：Hins，原來佢同我哋係同一個班嘎！

張小軒：啊？咁巧？

肖顯志：你都覺得巧呢！呀，我唔記得同你哋介紹添，呢個係我死黨張小軒，個名係咪好得意呢？

沈薇：我覺得用可愛來形容更貼切喔！我叫沈薇啊，你叫我Mei Mei得了。

張小軒：你叫我Hins呀。

張小軒旁白：同唔同佢相認好呢？嗯……都係遲D先啦！

沈薇：太好啦，第一日返學就識到兩個同學仔，咁都無咁驚！

肖顯志：返學啫，有乜好驚呀！

沈薇：話曬係一日返學呀嘛，無個識得嘅人傾下計，好寂寞嘎。

肖顯志：咁你宜家有我哋兩位靚仔傍住，就唔會寂寞啦！

沈薇：自戀狂，成日都話自己靚仔！

肖顯志：無辦法啦，鬼叫呢個係事實咩！

張小軒：係呢，Mei Mei你條頸鏈……

沈薇：條頸鏈係一個白馬王子送嘎，係咪好靚呢？係嘞，你哋有無睇過一本個名叫做《失落的一角》嘅書啊？

張小軒：有，我睇過！

沈薇：Hins……唔通你就係禮服蒙面俠