第十集
張小軒：離開你，

沈薇：點解啊？

張小軒：因為呢個係愛你嘅一種方式。

沈薇：好想話給你知，

合：喺我遇到你嘅果一晚，我已經愛上咗你

（音樂：《無能為力》）

沈薇：小倩！Hins係咪發生D乜嘢事啊，佢昨晚忽然之間走來宿舍樓下唱歌，佢遝嘅神情仲好奇怪添呀，成副依依不舍嘅樣……係喔，點解唔見Hins嘅？

張小倩：你唔好問啦，我應承咗阿哥，唔講得住嘎！

旁白：講完，張小倩就飛咁快咁走咗去了。

沈薇：喂……搞乜啊？仲要唔講得住咁神秘？

肖顯志：小倩唔敢講，我講給你知呀。

沈薇：Gary你都知？

肖顯志：昨日Hins都有來揾過我，佢同我講嘎。

沈薇：係咁到底發生乜嘢事啊？

肖顯志：Hins今日會坐飛機去巴黎。

沈薇：咩話？巴黎！幾時嘅事啊？去果度做乜啊？點解事前完全無聽佢講過嘅？

肖顯志：聽講佢係今次同巴黎間學校嘅交換生，呢件事我都係昨日先知。

沈薇：有無搞錯啊，佢點可以……點可以就咁走咗去嘎！（漸哭）佢……佢……嗚……

旁白：肖顯志心痛咁拍拍沈薇膊頭，然後從衫袋度拿出條頸鏈。

沈薇：拎我呀！我宜家唔想呢樣嘢啊，我只係想Hins返來喳！我咩嘢都唔要啊！

肖顯志：對唔住，我太自私了！我唔應該用朋友嘅痛苦來留住你嘅感情，我知道你愛嘅人一直都係Hins，係我唔憤輸，係我誤會咗Hins對我嘅友情，仲有個幾月就放假了，你去巴黎揾佢呀，帶埋呢條頸去揾佢。

沈薇：Gary，你講乜嘢啊？

肖顯志：條鏈根本就唔係我嘅，係果日我擲Hins嘅背囊出去嘅時候掉落地下，我咁岩撿到嘎。而且我相信，你要揾果個男仔肯定係Hins，因為化妝舞會果晚，我記得佢的確係租咗套禮服蒙面俠嘅衫去參加。

沈薇：你……你唔係果晚個男仔？

肖顯志：唔係。唔信，你可以問小倩，我後來龍去脈問過佢，原來Hins成個暑假都有帶住呢條頸，佢都好希望有一日能夠同你遇返，後來佢知道新嘅大學校風管得好嚴，所以就無戴，但佢依然放喺背囊度，好好咁保存。

沈薇：點會咁嘎……一件簡簡單單嘅事，會搞到咁複雜嘅？我個頭好痛、好痛啊！

肖顯志：喺你頭痛更加痛之前，我仲有樣嘢要代Hins給你。

旁白：肖顯志再次從衫袋子度拿出一張污遭LA TA嘅纸出来，睇给沈薇。

肖顯志：張紙原本係一只紙飛機，係我八歲果個妹妹喺度拾到嘅，我認得係Hins嘅字蹟，我諗佢應該係想寫給你嘎。

沈薇：Hins給我嘅？

Mei Mei：

一直都好想話給你知，我就係地場衛，我就係禮服蒙面俠，我就係果條“失落的一角”頸鏈嘅主人，我就係化妝舞會同你一齊跳舞，對你一見鍾情嘅果個男仔。可惜，我錯過咗一次又一次同你相認嘅機會，或者呢D就係愛情嘅一種缺憾美啦，無論我去到邊度，無論我哋相隔幾遠，我都會永遠守候住心底裏對你嘅呢份愛。可能，你會怪我嘅不辭而別，但係如果放開你，可以令你生活得更開心、更幸福嘅，呢個亦都會係我愛你嘅一種方式。

愛上白雪公主的地場衛

沈薇：真係佢——Hins真係佢！

（過場音樂：《太遠》）

旁白：一個幾月之後，沈薇大包細包只身一人走到來巴黎揾張小軒。去到嘅時候張小軒並唔喺宿舍，亦唔喺課室。沈薇唯有喺學校到處逛下，睇下撞唔撞到Hins，結果佢行到腳都累都仲未行完間學校，而且連Hins嘅影都未見到！

沈薇：嘩，間學校真係大得誇張啊，行到我好累啊！坐低休息下先。唉……

張小軒：“我站在這裏，這活力派對，放學是這裏，焦急的金句……”（《My Way》粵語版清唱）

沈薇：係Hins嘅歌聲啊！

旁白：沈薇聽住D歌聲，一路咁揾過去。

張小軒：“怕浪漫泄氣，接納舊唱機，我決定要翻唱每一首歌的真理，迷失的感觀都可使我費心機，全賴每句聖詩悄悄送給一串生氣，迷路了卻有你伴我筋竭力疲，還是要對困惑的心說起。I will find my way，I want a different……”（《My Way》粵語版清唱）

沈薇：Hins！（興奮）

（插曲：《春天》）

張小軒：Mei Mei？點解你會來咗Paris嘎？（驚喜）

沈薇：我……我來興師問罪嘎！

張小軒：興師問罪？

沈薇：係啊！你個衰人，扼咗我咁耐，我來就要好好咁同你算清呢筆帳啊！

張小軒：我扼你D乜嘢啊？

沈薇：仲扮嘢喔！你再繼續講大話呀，到時唔單只白雪公主唔肯要你，連月野兔都唔肯要你呢個成日講大話嘅地場衛啊！

張小軒：你……你點會知嘅？

沈薇：Gary已經將所有嘅嘢講曬給我啦，佢個妹仲好好心咁幫你拾起只紙飛機添呀！如果唔係佢哋，你係咪打算扼我一世啊？

張小軒：對唔住。我只係唔想你痛苦喳！如果你可以幸福、快樂，我係點根本唔重要。

沈薇：咁你有無諗過我嘅感受呀？你有無問過我點諗啊？以前聽你唱歌，會有好多好溫暖好奇怪嘅感覺湧出來，我一直都唔知道果D係乜嘢感覺，直到你嘅歌聲唔再出現喺我生活當中嘅時候，我至知道，果D感覺叫做“幸福”，每次我唔開心嘅時候，你就會唱歌給我聽，而且每次聽到都會有開心嘅感覺，如果幸福無咗開心，根本就唔係幸福！我想經常聽到你唱歌啊，我想經常聽到幸福嘅聲音啊！

張小軒：同我一齊，你真係會聽到幸福嘅聲音？

沈薇：聽到、聽唔到，唔係我話事嘎！而係對方到底願唔願意令我聽到幸福嘅聲音。

張小軒：“你，請你先不要離開我，請靠近我的耳朵，在耳邊輕輕訴說舍不得我，不要沉默，告訴我你會有多愛我，我不要太多，要你抱著我不渴望結果……”（《Paris》清唱）

張小軒：咁你宜家……聽到未啊？

（過場音樂：《Paris》）

沈薇：喂，你要喺度讀幾耐嘎？

張小軒：一年啫，好快過。你唔係咁快挂住我呀嘛？

沈薇：唔知羞，邊個得閑挂住你喔！我仲嫌一年太短添啵！

張小軒：唉，真係無情！既然你唔挂住我，咁我挂住你嘍！

沈薇：肉麻，你咁鍾意挂，自己拿衣架挂飽佢啦。

張小軒：我會喺度打多分Part-time，等可以儲多D錢買機票返廣州同你見面。

沈薇：你咁乖，我準備定D乜嘢給你好呢？

張小軒：嗯……當然係煮定D好味嘅飯送等我啦！

沈薇：嘩，咁我咪做咗煮飯婆？

張小軒：係嘎，你宜家已經係我半個煮飯婆來啦，你，走唔掉了！

沈薇：咁你要好好捉住啦，你知啦，我呢個“失落嘅一角”一唔見，就好難揾嘎啦。

張小軒：好……我宜家就捉實你……

沈薇：啊哈哈哈……你都唔係捉我嘅，你喺度“唧”我就真啊！啊哈哈哈……

結語：喺愛情嘅國度，“愛”本身就係一種“缺憾”，所以至會有咁多人去追求“真愛”，亦都因為佢本身係一種缺憾美，所以過程當中必定會遇到或多或少嘅波折，但呢D波折會令一個人成長，生活過得充實、有意義。當某一日，你遇到一個你愛嘅人，請讓自己放膽去追求啦，給一個讓自己成長、讓自己品味人生嘅機會，或者真係可以給你揾到果“失落嘅一角”，完成一段你認為最完美嘅愛情！