第八集
沈薇：未來得及同你，

張小軒：同你一齊，

合：細數天上嘅星星。

張小軒：你已經唔屬於我了，

沈薇：古唔到，

張小軒：你竟然會靠喺佢懷裏，

沈薇：呢個結局，

合：我無辦法接受。

（音樂：《無能為力》）

沈薇：小倩呀，做乜忽然叫我哋來音樂室嘅？

張小倩：唔知喔，我哥叫我揾你哋來嘎喳。

肖顯志：我唔想浪費時間喺度，我返屋企先。

沈薇：哎，反正都來咗嘍，睇下Hins揾我哋做乜嘢都好呀。

旁白：見到肖顯志無再離去嘅意思，佢亦都乖乖地坐低喺度等張小軒嘅出現了。

張小軒：Hello，everybody！

沈薇：Hins，你叫我哋過來做乜啊？

張小軒：當然係開party啦！我都話只歌老師肯收貨嘎啦，而且老師不知幾鍾意啊，仲話D歌詞寫得好，要推薦給一D校際音樂節嘅主辦單位度做主題曲添啵！你話係咪好值得慶祝呢！來呀，我仲叫埋我哋原創組嘅人一齊唱呢只歌給你哋聽嘎，雖然佢哋岩岩至學識，不過唱得都唔差嘎，你哋係第一批嘅聽眾！Come on，Music！

（《Power in ur hands》音樂起）

沈薇：喂，Hins啊！聽我講完先唱啦，喂啊……

張小軒：“精彩就在眼前，渴望能實現；心裏的信念永不改變。等待散發一天，精彩瞬間；你我的願望都會實現。……” （音樂：《Power in ur hands》）

旁白：沈薇無耐咁望望面都黑曬嘅肖顯志，又望望唱到興致勃勃嘅張小軒，佢唉咗口氣，拿手掩住對眼，真係無眼睇啊！

（接上段音樂：《Power in ur hands》）

肖顯志：你唱完啦嘛，咁走啦。

張小軒：Gary，等陣仲有個Party嘎，唔好走住啦。

旁白：張小軒放低支MIC，沖上前拉住正要離去嘅肖顯志，但卻給肖顯志用力咁甩開只手。

肖顯志：行開啊！（大吼）

張小軒：做乜啊？係咪伯母個病唔多樂觀啊？喂，Gary……Gary……

沈薇：我真係給你激死，連唔應該講果句你都講埋呀！

張小軒：我？我講錯乜嘢啊？

沈薇：伯母個病醫唔好，過咗身啦。

張小軒、張小倩：咩話？

張小軒：你昨晚唔係咁講過喔，你話伯母情況尚算穩定嘎！

沈薇：我扼你嘎喳，我怕影響你寫歌嘅情緒，咪諗住等你寫完只歌至講個真相給你知嘍，點知你成日唔係去揾音樂老師，就失曬蹤唔見咗人影，你手機又關咗機喔，想揾你都揾唔到啊！

張小軒：我連緊歌呀，當然要關手機嘎啦！唉，無論點，你都唔應該瞞呢件事嘎！

張小倩：我要去揾Gary！

（張小倩沖咗出去）

張小軒：你宜家可以將成個情況講給我知啦。

沈薇：我昨日趕到去伯母入住嘅果間醫院，伯母已經走咗了，Gary話佢連一句“再見”都無同佢講到就離開咗，在場所有嘅人都喺度哭，Gary仲一度情緒失控添，差D連面對呢件事嘅勇氣都無，睇得出伯母嘅過身對佢打擊好大。

張小軒：點解我唔早D知道呢件事……喺佢最需要人給勇氣佢嘅時候，我竟然……我竟然仲要喺度大肆慶祝。天啊，我究竟對佢做咗D乜嘢啊……

沈薇：都係我唔好，我幫你同佢講清楚！無論都好，你哋嘅誤會係由我而起，我唔想你哋兩個因為我搞到宜家咁啊！

張小軒：唔好，如果我唔係因為寫完只歌太過興奮嘅話，你絕對有機會同我講清楚件事。既然個傷口係我給Gary嘅，我會自己去承擔返呢個過失。

沈薇：你打算點做啊？

張小軒：暫時未知，但至少要先解釋大家之間嘅誤會先，再慢慢幫佢渡過今次嘅噩耗。

（過場音樂：《Blessing》）

旁白：呢個晚上，佢哋當中無一個睡得著。特別係張小軒，諗返起自己對肖顯志做嘅事情，佢真係又內疚又難過，更濃厚嘅係對肖顯志嘅心痛。佢完全可以想象到一向最敬愛嘅忽然間離開自己，果份晴天霹靂嘅噩耗係幾咁公人難以接受。肖顯志平時雖然外表輕浮，但內心卻好似玻璃咁脆弱，好容易就會被打碎，喺佢內意因為過於渴望真愛，而特別容易感到孤獨。但上天卻偏偏要佢承受呢種咁沉重嘅打擊，而自己呢個好朋友竟然就落井下石，雪上加霜！唉……

張小軒：Gary佢今日請假，我諗佢應該喺屋企撿拾緊嘢返深圳幾日搞埋伯母D身後事。

沈薇：嗯。等陣你係咪要去扮佢啊？

張小軒：當然啦。

沈薇：我諗小倩都會想一齊去，不如放學嘅時候我去揾小倩，你早D去Gary屋企，同佢好好傾下呀。

張小軒：OK。

旁白：於是放咗學之後張小軒就帶住沉重嘅心情來到咗肖顯志嘅屋企。

叮咚……

開門。

肖顯志：乜係你啊。

張小軒：咳。嗯……有無時間啊，同你傾兩句。

肖顯志：入來呀。

關門。

張小軒：對唔住，我之前完全唔知伯母佢……我講咗好多過份嘅說話，Sorry！

肖顯志：Mei Mei同我解釋過啦。

張小軒：其實大家……

肖顯志：不過……我並唔認為Mei Mei講嘅係事實！我知道你都鍾意Mei Mei，所以想佢無時無刻都喺你身邊，就連果晚你都要佢鬼咁夜從深圳趕返來，陪你一齊寫歌。你果只歌好巴閉咩？你果個原創組有或者無只會對你哋自己內部嘅人有影響，對我哋係完全無影響過喔，點解你係都要扯埋我哋落去呢？又要Mei Mei去鼓勵你，又要我哋去做你聽眾，你咁叻唔去做歌星！而且，Mei Mei返來都成十幾個鍾啦，佢咁都無機會同你講到我屋企嘅事？你嘅理由，未免太不堪一擊啦呱！

張小軒：我可以憑良心發誓，我之前完全清楚伯母嘅事，如果知道，任何人都無可能喺果種情況下仲可以笑得出，更何況你係我最好嘅朋友來嘎！而且喺Mei Mei去深圳陪你果晚，我根本就無叫佢返來陪我寫歌。我要佢嘅鼓勵，係因為我真係覺得佢嘅鼓勵可以給到動力給我，我叫你哋去做我嘅聽眾，係因為喺我心裏面，你哋三個都係我最重要嘅人！你明唔明啊？我鍾意音樂，並唔係想做歌星嘎，我好純粹只係想用一種大家都接受嘅語言，去幫我傳情達意到每一個重要嘅人心裏面，你又明唔明啊？

肖顯志：明！當然明啦，講到尾，你都只係想話給我知，Mei Mei愛果個係你啫！

張小軒：點解你硬係諗埋一邊嘎！Mei Mei愛邊個根本唔重要，選擇權喺佢果度啊，我哋宜家只需傾返我哋兩個嘅問題就得了！OK？

肖顯志：你講完啦嗎？講完唔該你即刻扯！扯啊！

旁白：肖顯志企起身戚住張小軒嘅衣領，將佢成個人扯出門口。

開門。

肖顯志：無論用乜嘢手段，我都要令Mei Mei只愛我一個！拿返你個袋啊！

旁白：肖顯志拿起張小軒個背囊一擲就擲咗出門口，就喺個背囊飛出去嘅果一刹那，有一條頸鏈從背囊裏面掉咗出來，張小軒完全無發覺地上嘅果條頸鏈，好無耐咁撿拾返地下跌出來嘅嘢。

張小倩：哥，你做乜蹲喺個地下度嘅？

張小軒：唔小心掉咗兩本書出來啫。

沈薇：我幫你呀。

張小軒：唔使啦，已經撿好了。

沈薇：你同佢傾成點啊？（壓低聲音）

張小軒：唔多理想。（壓低聲音）

沈薇：嗯……或者等我試下同佢傾啦，佢比較聽我講嘎。（壓低聲音）

張小軒：拜托曬你！（壓低聲音）

沈薇：Gary，我同小倩買咗……

旁白：沈薇說話講到一半就停咗喺度，驚訝咁望住肖顯志手上拿住嘅果條頸鏈。

張小軒旁白：弊，條頸鏈幾時掉出來嘎？

張小倩：Mei Mei，做乜成個人呆咗咁嘎？

沈薇：原來，你就係禮服蒙面俠！你就係我喺化妝舞會遇到果個男仔！我終於遇返你啦！

旁白：講完，沈薇好激動咁飛撲埋肖顯志度，緊緊咁攬住佢……呢個動作，嚇到在場嘅人都呆曬，特別係條頸鏈原來個主人——張小軒！

（音樂：《斷點》）