第四集
沈薇：如果，

張小軒：音樂係有靈魂，

沈薇：希望佢哋，

張小軒：可以替我傳情達意。

張小軒：其實，

沈薇：只要你用咗心

合：我就可以感受最真嘅感情！

（音樂：《無能為力》）

沈薇：地場衛？

張小軒：啊？

沈薇：ER……唔好意思，我一時間將你聯想成化妝舞會果晚個男仔添！Sorry。

張小軒：唔緊要！

沈薇：係喔，今朝聽Gary聽，果晚你好似都有去嘎，你果晚扮乜嘢啊？

張小軒：我……我扮《龍珠》入面果個悟空。

沈薇：嘩，咁Yeah啊！咁果晚你個發型咪要整好耐嘍？

張小軒：係……係啊。

沈薇：唉，如果早D識你就好啦！果晚就可以一齊玩了，唉，我真係好想見返果晚個男仔啊，唔知佢宜家點呢？

張小軒：條頸鏈……

沈薇：條頸鏈今日差D比個訓導主任收咗啊，睇來明日唔可以再載啦！Hins，你岩先講乜嘢啊？

張小軒：無……我都係想同你講呢樣啫。呢間大學出咗名管得嚴，平時上課嘅時候學生係唔可以配戴任何首飾嘎，你以後要注意啦。

沈薇：嗯，我知嘎啦！

張小軒旁白：如果學校唔係管得咁嚴，我就可以一直戴住條頸鏈，就算唔使勇氣，我都可以同你相認了，唉！

沈薇：喂，你唱歌好好聽喔！好有feel，而且我覺得你唱得好有Heart！

張小軒：（^_^），我覺得音樂係我其中一種表達自己嘅語言，有好多口講唔出嘅說話，我會用音樂表達出去。

沈薇：你咁鍾意唱歌，唔通想做歌星？

張小軒：都有發過咁嘅夢嘎，不過宜家嘅樂壇咁令人失望，我份人太執著啦，如果我做歌星嘅話，遲早會給D環境逼到我癡線啊！娛樂圈唔多岩我呢種人嘎，所以我只係想自己同D朋友、前輩玩下音樂算了，只要能夠將自己嘅音樂語言傳達到重要嘅人心裏面就夠了，做唔做歌星都無乜所謂啦。

沈薇：咁樣你把靚聲，同埋你呢手咁好嘅琴技咪好篩！

張小軒：咁又唔會，我係唔會放過任何一個進修音樂嘅機會嘎，所以我已經報咗名參加學校嘅合唱團，如果Interview過咗，我就可以正式加入嘎啦。

沈薇：係咁你要給心機啦！我會做一個永遠都咁支持Hins’ Music嘅Fans！

張小軒：你咁睇得起我，我怕會令你失望喔……

沈薇：我知你唔會嘅，信得過你！哎，不如唱多幾首來聽下呀。

張小軒：好呀，你想聽乜嘢歌？

沈薇：嗯……我想聽……

（過場音樂：《聲音》）

旁白：開咗學兩日之後，張小軒、張小倩同沈薇已經從屋企拾好嘢返學校嘅宿舍。至於肖顯志，佢一向都唔鍾意給人管住曬，所以佢點都唔肯喺學校寄宿。張小軒亦都因為咁，有更加多嘅時間同沈薇相處。兩個人出雙入對嘅情景已經給佢個寶貝細妹張小倩傳到成級嘅大一新生都知咁制。雖然大家都話佢哋好襯，但張小軒同沈薇依然係矢口否認。

張小軒：Mei Mei……Mei Mei……

沈薇：喂，宜家係晚修時間，你咁大聲做乜啊！（壓低聲音講）

張小軒：講個好消息給你知啊，我岩先撞到學校合唱團個指導老師，佢同我講我入咗啊！

沈薇：真嘅？（驚喜地大叫出來）

張小軒：噓！又叫人唔好咁大聲，你自己仲大聲過我頭先啦！

沈薇：哦哦哦，嘻嘻，咁我鄧你高興呀嘛！我都話對你有信心嘎啦！

張小軒：多謝你嘍！

沈薇：一句多謝就得嘎啦！至少都要請我食嘢啦。

張小軒：咁你想食乜嘢啊？講明先啊，唔可以太貴嘎。

沈薇：嗯……你就請我食……一個甜筒子啦！

張小軒：就咁喳？

沈薇：係啊。咁樣我已經好滿足嘎啦，最主要都係同你慶祝啫！哎，叫埋小倩同Gary啦，佢哋知道一定都好鄧你開心啫。

張小軒：好呀。我等陣就打給Gary！不過一個甜筒又太寒酸嘅，明日放學之後我請你哋食飯嘞。

沈薇：你出錢，你話事啦。

張小軒：咁明日六點半喺你哋宿舍樓下等啦。

（過場音樂：《透露》）

旁白：第二日，張小軒走去約肖顯志，點知佢成日好似只死狗咁，話無心情，下次至同佢慶祝喔，呢種情況，佢個好妹妹張小倩當然又會再似致佢於不顧，走去陪肖顯志嘎啦。結果只得沈薇同佢慶祝，但張小軒一D唔開心都無，反而更加期待傍晚嘅來臨，話曬呢次都係佢哋第一次單獨出去食飯！

張小軒：Mei Mei，等咗好耐啊？

沈薇：我無等呀，我一直都坐喺度，都無返過宿舍。

張小軒：點解嘅？做乜連你講嘢都好似Gary咁無來神氣嘎，你係咪唔舒服啊？

沈薇：唔係啊。你唔係去食飯嘅咩？行嘍。

張小軒：你係咪有心事啊？講來聽聽，給我同你分擔下呀。

沈薇：Hins……

沈薇旁白：望住Hins關心嘅眼神，我腦海裏面又再浮現果一個身影了，Hins嘅眼神真係好似果晚個男仔啊！

張小軒：係咪唔當我係朋友先？

沈薇：當然唔係啦！其實我今日出去買咗禮物送給你嘎。

張小軒：送禮物給我？

沈薇：嗯。

旁白：沈薇喺手袋度拿咗份禮物出來。

沈薇：嗱，呢對係監聽級嘅Headphone，我諗應該好岩你用。

張小軒：嘩，呢只型號嘅Headphone起碼幾百元過喔！

沈薇：既然知道貴，就要好好咁珍惜佢啦！

張小軒：份禮物咁貴重，我真係唔好意思收啊。

沈薇：你用得著咪得嘍。（聲音越來越無神）

張小軒：喂，你唔好咁啦，你一番心意買給我，我一定會要咗佢嘎。多謝你！

沈薇：Hins……

張小軒：嗯？

沈薇：我今日撞返一個自己曾經鍾意咗好耐嘅男仔啊。

旁白：聽到沈薇呢句說話，張小軒個心好似突然給某樣嘢撞咗一下咁，定曬神咁望住沈薇。

沈薇：佢同埋佢女朋友一齊……好開心啊！

張小軒：果個……係你以前嘅男朋友？

沈薇：唔係，只係我一廂情願單戀佢啫。

張小軒：哦……

張小軒旁白：咁都好D！

沈薇：不過，我個心好難受啊！

張小軒：啊？你一直都無同個男仔表明心意啊？

沈薇：無啊，我果時邊度敢喔，一來唔夠膽，二來給我屋企人知道實打到我飛起啫。

張小軒：咁樣幾好呀。

沈薇：你有無搞錯啊，咁都話好。

張小軒：當然好啦！有好多嘢其實唔講出來，反而仲可以保存當初最純真嘅果份感覺。我曾經聽過咁樣嘅一段說話：“（國語）人類的感情最特別的就是單戀，那是絕無僅有的，你絕對不會看到一只貓偷偷地喜歡上另一只貓。它像極了含苞的花蕾，裏面隱藏差無限的可能，有的時候，甚至比一朵盛開的花更動人，更引人遐想。”

沈薇旁白：聽住Hins嘅說話，忽然間有一股暖流流過我嘅心底，令到我有一種好溫暖嘅感覺。聽佢講得單戀咁特別、咁美好，我好似對以前嘅呢份感情開始有另一番感覺。的確，宜家自己諗返起自己以前成日喺學校故意做D事情去引果個男仔嘅注意，放學嘅時候亦都故意等到同佢同一時間走……果份單戀一個人嘅感覺，我到宜家諗返起都覺得好懷念，果時嘅自己雖然可笑，但亦都可愛……

沈薇：多謝你，Hins！

張小軒：睇來你好似諗通咗小小嘍喔。嗯，等我唱只歌給你聽，等你心情再好D啦！“Stars shining bright above you ，Night breezes seem to whisper "I love you" ”

沈薇：嘩，你賣廣告！你好快D講，收咗人哋幾多盒朱古力做廣告費？

張小軒：“Birds singing in the sycamore tree，Dream a little dream of me，Say "Night-ie night" and kiss me ，Just hold me tight and tell me you'll miss me   ……”

沈薇：喂，你咪走啊……